امریکا کے پرانے اور بڑے بینک گولڈ مین ساشے نے کرپٹو کرنسی کے لیے اوور دی کاؤنٹر تجارت کا آپشن پیش کردیا ہے۔
امریکی میڈیا کے مطابق گولڈ مین ساشے نے بٹ کوائن اور دیگرکرپٹو کرنسیوں کے لین دین کے لیے ایک نیا انسٹرومنٹ متعارف کرادیا ہے۔’ نان ڈلیورایبل آپشن‘ کے نام سے پیش کیے گئے اس مالیاتی انسٹرومنٹ کو بینک نے سرمایہ کار کمپنی گلیکسی ڈیجیٹل کے اشتراک سے پیش کیا ہے۔یہ بھی پڑھیں: کرپٹو کرنسی کے اشتہارات پر درجنوں کمپنیوں کو نوٹس جاریاس اعلان کے بعد گولڈ مین امریکا کا پہلا بینک بن گیا ہے جہاں سے بنا کسی آڑھتی اور مشکلات کے بڑی مقدارمیں کرپٹواثاثوں کی خرید و فروخت کی جاسکے گی۔گلیکسی ڈیجیٹل کی جانب سے جاری ہونے والے آفیشل بیان کے مطابق کرپٹو اثاثوں کوپانچویں زمرے میں رکھتے ہوئے گولڈ مین ساشے سے انسٹی ٹیوشنل سرمایہ کاروں کے لیے مزید کرپٹو خدمات شامل کرنے کی درخواست کی ہے۔گلیکسی ڈیجیٹل کے شریک صدراور ہیڈ آف گلوبل مارکیٹ ڈیمین وینڈروالٹ کا کہنا ہے کہ گولڈ مین نے ہمیشہ ہماری صلاحیتوں پربھروسہ کیا اور کرپٹو کی بڑھتی ہوئی طلب کی وجہ سے اسے ففتھ ایسسٹ کلاس میں شامل کرلیا گیا ہے۔1869 میں قائم ہونے والے گولڈ مین ساشے نے گزشتہ سال سی ایم ای گروپ کے ساتھ بٹ کوائن پراڈکٹس کی تجارت شروع کردی تھی۔یاد رہے کہ روس یوکرین جنگ میں کرپٹو کرنسی کے کردار نے دنیا بھرمیں اس کرنسی کی اہمیت کو مزید اجاگر کردیا ہے۔گزشتہ روز ہی ملائیشیا کے وزیر مواصلات نے کرپٹو کرنسی کی مقبولیت کے پیش نظر وزارت خزانہ سے ملک میں اس حوالے سے قانون سازی کی درخواست کی تھی۔ Adsence Ads 300X250
