وزیراعظم عمران خان نے کہا ہے کہ اپوزیشن عدم اعتماد کی تحریک کا شوق پورا کرکے دیکھ لے، اندازہ ہوجائے گا۔
ذرائع نے کہا کہ وزیراعظم سے تحریک انصاف کے ارکان قومی اسمبلی کی ملاقات ہوئی، وزیر اعظم کی ریاض فتیانہ اور نصر اللہ دریشک سے ملاقات ہوئی، وزیر اعظم سے ارکان کی ملاقات گزشتہ روز ہوئی، وفاقی وزراء بھی ہمراہ تھے۔ذرائع نے بتایا کہ وزیر اعظم کی ارکان سے ملاقات میں ممکنہ تحریک عدم اعتماد پر گفتگو ہوئی۔ذرائع کے مطابق وزیر اعظم نے کہا کہ ارکان پر اعتماد رہیں، سب کچھ ٹھیک ہے، تحریک عدم اعتماد سے متعلق ہوم ورک مکمل ہے، نمبر گیم پورے ہیں۔ذرائع نے کہا کہ ارکان نے وزیر اعظم کو یقین دہانی کرائی کہ کہیں نہیں جار رہے ہیں، ایسا سوچا بھی نہیں ،ہمارے بارے مطمئن رہیں، ہم آپ کی ٹیم کا حصہ ہیں۔ذرائع کے مطابق وزیراعظم نے کہا کہ مجھے آپ کی وفاداری پر یقین ہے، تحریک انصاف کے سب ارکان سے متحد ہیں، تمام اتحادی بھی ہمارے ساتھ ہیں، اپوزیشن عدم اعتماد کی تحریک کا شوق پورا کرکے دیکھ لے،اندازہ ہوجائے گا۔ Adsence Ads 300X250
