ایران نے ملک میں توانائی کے بحران پر قابو پانے کے لیے کرپٹو کرنسی کی مائننگ پر پابندی عائد کردی ہے۔
غیر ملکی خبر رساں ایجنسی کے مطابق ایران نے ملکی پاور پلانٹس پردباؤ میں کمی اور بجلی کی لوڈ شیڈنگ کو روکنے کے لیے دوسری بار کرپٹو کرنسی کی مائننگ پر پابندی عائد کی ہے۔ریاستی پاور کمپنی ایران گِرڈ مینجمنٹ کمپنی کے ترجمان مصطفیٰ رجبی مہشدی کا اس بارے میں کہنا ہے کہ کرپٹو کرنسی کی مائننگ پر 6 مارچ تک کے لیے پابندی عائد کی گئی ہے جس سے گھریلو شعبے کے لیے 209 میگا واٹ بجلی اضافی ہوجائے گی۔ریاستی ٹی وی کو انٹر ویو دیتے ہوئے انہوں نے کہا کہ ہم غیرقانونی طریقے سے مائننگ کرنے والے انفرادی اور چھوٹے صنعتی یونٹس کے خلاف کریک ڈاؤن کر رہے ہیں۔ ان کا کہنا تھا کہ بنا لائنسنس مائننگ کرنے والے افراد ملک میں کرپٹو کرنسی کی مائننگ میں بڑا حصہ رکھتے ہیں۔ اور وہ غیر قانونی مائننگ کے لیے 600 میگا واٹ سے زائد بجلی صرف کرتے ہیں۔۔ایران میں ایندھن کی مد میں بچت کے لیے بجلی بچانے کے لیے کافی اقدامات کیے جارہے ہیں۔ جس میں کچھ علاقوں میں اسٹریٹ لائٹس کو آف کرنے، اور دفاتر میں بجلی کے کم سے کم استعمال کی ترغیب دینے جیسے اقدامات شامل ہیں۔واضح رہے کہ ایران نے رواں سال کی ابتدا میں بڑے شہروں میں بلیک آؤٹ کی شکایت سامنے آنے کے بعد کرپٹو مائننگ پر پابندی عائد کردی تھی کیوں کہ کرپٹو کرنسی کی مائننگ میں بہت زیادہ توانائی درکار ہوتی ہے۔ Square Adsence 300X250
