حکومتی اور ایم کیو ایم وفد کے درمیان اہم ملاقات ہوئی جس میں حکومت نے تمام مطالبات تسلیم کرنے کی یقین دہانی کروادی ہے۔
پاکستان تحریک انصاف کی جانب سے تحریک عدم اعتماد ناکام بنانے کے لیے اتحادیوں کے ساتھ رابطوں میں تیزی لاتے ہوئے حکومتی وفد وزیر خارجہ مخدوم شاہ محمود قریشی کی قیادت میں اسلام آباد میں متحدہ قومی موومنٹ کی قیادت سے ملاقات کی۔حکومتی وفد میں وزیر خارجہ شاہ محمود قریشی، وزیردفاع پرویز خٹک، وفاقی وزیر برائے منصوبہ بندی اسد عمر، وفاقی وزیر برائے بحری امور سید علی زیدی اور گورنر سندھ عمران اسماعیل شامل تھے۔ایم کیوایم پاکستان کا وفد خالد مقبول صدیقی، وفاقی وزیر برائے قانون و انصاف بیرسٹر فروغ نسیم، وفاقی وزیر برائے انفارمیشن ٹیکنالوجی امین الحق، خواجہ اظہار الحسن، عامر خان، وسیم اختر، جاوید حنیف، اور صادق افتخار پر مشتمل تھا۔یہ بھی پڑھیں؛ تحریک اعدم اعتماد، ق لیگ نے وزیراعظم کی حمایت کا اعلان کر دیامذاکرات میں پاکستان تحریک انصاف اور ایم کیو ایم کے درمیان جاری مذاکرات پر پیش رفت کا جائزہ لیا گیا۔ذرائع کا کہنا ہے کہ حکومت نے ایم کیو ایم کے تمام مطالبات تسلیم کرنے کی یقین دہانی کروادی ہے جس میں مردم شماری ، بند دفاتر سے متعلق ایم کیو ایم کا مطالبے سمیت ماضی میں کیے گئے وعدے بھی پورے کرنے کی یقین دہانی کروائی۔ایم کیو ایم کو وزارت بحری امور دیے جانے کا بھی امکان ہے۔ ایم کیو ایم نے حتمی جواب کے لیے وقت مانگ لیا۔دوسری جانب وزیر خارجہ شاہ محمود قریشی نے کہا ہے کہ پرویز الہٰی نے مہربانی کی ہے ایم کیو ایم بھی ہماری حلیف جماعت ہے۔ ’مل کر چلنے میں ہی ہماری بہتری ہے ، امید ہے کہ ایم کیو ایم ایک دو روز میں فیصلہ کرے گی اور اپوزیشن کو نیا سرپرائز ملے گا ۔یہ بھی پڑھیں؛ بلوچستان عوامی پارٹی کا وفاقی حکومت سے علیحدگی کا اعلانشاہ محمود قریشی نے کہا کہ ایم کیو ایم کے دوستوں کو قائل کرنے کی کوشش کی ہے ، اتنا عرصہ اکٹھے چلتے آئے ہیں، آئندہ بھی چلیں گے۔ ایم کیو ایم ہماری حلیف ہیں ہمارے اور ان کے ساتھ آگے چلنے میں دونوں کے لئے بہتری ہے۔واضح رہے وزیراعظم عمران خان کے خلاف تحریک عدم اعتماد کے معاملے پر مسلم لیگ (ق) نے حکومت کی حمایت کا اعلان کردیا ہے اور اس کے بدلے وزیراعظم نے عثمان بزدار سے استعفیٰ لے کر چوہدری پرویز الہیٰ کو وزیراعلیٰ پنجاب کا امیدوار نامزد کرنے کا اعلان کردیا۔ تاہم بلوچستان عوامی پارٹی نے حکومت سے علیحدگی کا اعلان کرتے ہوئے اپوزیشن کی حمایت کا اعلان کردیا ہے۔ Adsence Ads 300X250
