پاکستان میں سعودی عرب کے سفیر نواف المالکی کی وزیر خارجہ مخدوم شاہ محمود قریشی سے ملاقات ہوئی۔
پاکستان میں سعودی عرب کے سفیر نواف المالکی کی وزارتِ خارجہ میں وزیر خارجہ مخدوم شاہ محمود قریشی کے ساتھ ملاقات ہوئی۔ملاقات میں پاکستان اور سعودی عرب کے درمیان دو طرفہ تعلقات اور مختلف شعبوں میں تعاون پر تبادلہ خیال کیا گیا۔اس موقع پر وزیر خارجہ نے کہا کہ پاکستان اور سعودی عرب کے درمیان یکساں عقیدے، ثقافت، تاریخ اور اسٹریٹیجک تعاون کی بنیاد پر مبنی برادرانہ تعلقات ہیں۔شاہ محمود قریشی نے کہا کہ دونوں برادر ممالک کی قیادت دو طرفہ برادرانہ تعلقات کو مزید مستحکم بنانے اور باہمی دلچسپی کے شعبوں میں دو طرفہ تعاون بڑھانے کیلئے پر عزم ہے۔انہوں نے کہا کہ دونوں برادر ممالک نے ہر مشکل گھڑی میں ایک دوسرے کی معاونت کی۔وزیر خارجہ کا کہنا تھا کہ پاکستان کی تعمیر وترقی میں سعودی حکومت کے تعاون کو قدر کی نگاہ سے دیکھتے ہیں۔ Square Adsence 300X250
