سندھ حکومت کا بلقیس ایدھی کی تدفین سرکاری سطح پر کرنے کا فیصلہ

سندھ حکومت نے بلقیس ایدھی کی تدفین سرکاری سطح پر کرنے کا فیصلہ کر لیا۔

وزیراعلیٰ سندھ مراد علی شاہ نے اپنے بیان میں کہا ہے کہ ایدھی صاحب کا پورا خاندان فلاحی کاموں میں مصروف ہے۔

انہوں نے کہا کہ ایدھی صاحب کی آخری رسومات سرکاری سطح پر ہوئی تھیں، کوشش ہے کہ بلقیس ایدھی کی آخری رسومات بھی اس ہی طرح ہوں۔

دوسری جانب مسلم لیگ ن کے رہنما نہال ہاشمی نے کہا ہے کہ میں وزیراعظم سے گزارش کروں گا بلقیس ایدھی صاحبہ کی تدفین سرکاری سطح پر کی جائے۔

انہوں نے کہا کہ وزیراعظم شہباز شریف سے بات کرکے فیصل ایدھی کو جواب دے دوں گا۔

ان کا کہنا تھا کہ آج پوری قوم بلقیس ایدھی کی رحلت پر تعزیت کررہی ہے۔ نواز شریف اور شہباز شریف کی ہدایت پر تعزیت کے لئے حاضر ہوا ہوں۔

Source

Leave a Reply

Your email address will not be published.

12 + two =

Back to top button