پاکستان مسلم لیگ (ن) کے صدرشہباز شریف کی زیر صدارت اجلاس میں لانگ مارچ انتظامات کو حتمی شکل دے دی گئی۔
قومی اسمبلی میں قائد حزب اختلاف شہبازشریف کی زیرصدارت لانگ مارچ مینجمنٹ کمیٹی کا اہم اجلاس ہوا جس میں لانگ مارچ کے شیڈول میں معمولی ردوبدل اور انتظامات کو حتمی شکل دے دی گئی۔پاکستان مسلم لیگ (ن) کا لانگ مارچ 26 مارچ کو لاہور سے روانہ ہوگا، 26 مارچ کو لانگ مارچ کے آغاز کا فیصلہ25 مارچ کو قومی اسمبلی کا اجلاس بلانے پر کیا گیا۔حمزہ شہبازشریف اور مریم نواز لانگ مارچ کی قیادت کریں گے، لانگ مارچ 28 مارچ کو پہنچے گا، شہبازشریف کی زیرصدارت لانگ مارچ مینجمنٹ کمیٹی کو عہدیداروں کی تیاریوں اور انتظامات سے متعلق بریفنگ دی گئی،شہبازشریف کی تمام تنظیموں کو بہترین اشتراک عمل یقینی بنانے کی ہدایت کی گئی۔شہباز شریف نے اجلاس سے خطاب کرتے ہوئے کہا کہ مہنگائی مکاؤ مارچ عوام کی خواہشات کی تکمیل کا باعث بنے گا، ان شاءاللہ، معاشی تباہی، بدترین مہنگائی، بے روزگاری عوام کے گھر اور کاروبار اجاڑ چکے ہیں۔ان کا کہنا تھا کہ لانگ مارچ مہنگائی، نالائقی اور کرپشن کے ستائے عوام کے حکومت پر عدم اعتماد کا فیصلہ کن اقدام ہے۔اجلاس میں سابق وزیراعظم شاہد خاقان عباسی، سیکریٹری جنرل احسن اقبال، پنجاب کے صدر رانا ثناءاللہ نے شرکت کی۔سینئر رہنما خواجہ سعد رفیق، سردار اویس لغاری، مریم اورنگزیب، عطاءاللہ تارڑ، نے بھی شرکت کی، ڈاکٹر طارق فضل چوہدری، ملک ابرار، انجم عقیل سمیت دیگر رہنماء بھی اجلاس میں شریک ہوئے۔ Adsence Ads 300X250
