امریکی ٹیکنالوجی جائنٹ میٹا نے اپنے سوشل میڈیا پلیٹ فارم فیس بک کے ڈیسک ٹاپ ورژن کے ڈیزائن میں اہم تبدیلی کرنے کا فیصلہ کرلیا ہے۔
سوشل میڈیا کے حوالے سے خبریں دینے والی ویب سائٹ سوشل میڈیا ٹوڈے میں شایع ہونے والی رپورٹ کے مطابق فیس بک ڈیسک ٹاپ ورژن کے ڈیزائن کوازسرنوڈیزائن کررہی ہے۔فیس بک کی جانب سے کی جانے والی ان تبدیلیوں کو ابتدائی طورپرکچھ بی ٹا صارفین کے لیے جاری کردیا گیا ہے ۔بی ٹا صارفین کے مطابق فیس بک کی نئی اپ ڈیٹ میں یوٹیوب کی طرح ڈارک موڈ دیکھا جاسکتا ہے، جب کہ نیوی گیشن کے لیے ٹولز اور دیگر ایپس کو روایت سے ہٹ کربائیں جانب رکھا گیا ہے۔فیس بک ڈیسک ٹاپ ورژن میں ہونے والی اس تبدیلی کو کچھ صارفین کی جانب سے ناپسند بھی کیا گیا ہے۔اس سے قبل فیس بک، ٹوئٹراورجی میل کے ڈیسک ٹاپ ورژن میں تمام ٹولزاورایپلی کیشنز بائیں جانب دکھائی دیتی ہیں اوریہی وجہ ہے کہ فیس بک ڈیسک ٹاپ کے اس نئے لے آؤٹ کوصارفین کی جانب سے پذیرائی ملنے میں کچھ وقت لگے گا۔میٹا کے مطابق ابھی اس نئے ڈیزائن کوتجرباتی طورپر پیش کیا گیا ہے تاہم آئندہ آنے والی اپ ڈیٹ میں اسے دنیا بھرکے صارفین کے لیے جاری کردیا جائے گا۔ Adsence Ads 300X250
