فیصلے جلسے جلوسوں میں نہیں مشاورت اور مفاہمت سے ہوتے ہیں، کشور زہرہ

کشور زہرہ نے کہا ہے کہ فیصلے جلسے جلوسوں میں نہیں مشاورت اور مفاہمت سے ہوتے ہیں۔

متحدہ قومی موومنٹ (ایم کیو ایم) پاکستان کی رکن قومی اسمبلی کشور زہرہ نے  اپنے ایک بیان میں کہا کہ سندھ میں مسائل گھمبیر ہیں، سندھ میں بلدیاتی نظام میں حصہ اور بااختیار سسٹم بنانا چاہتے ہیں۔انہوں نے کہا کہ تمام جماعتیں میوزیکل چیئر کھیل رہی ہیں، فیصلے جلسے جلوسوں میں نہیں مشاورت اور مفاہمت سے ہوتے ہیں، تمام فیصلے پارلیمنٹ میں کیے جائیں۔کشور زہرہ نے کہا کہ ایم کیو ایم مڈل کلاس کی جماعت ہے، ہم عوام کی بہتری کا فیصلہ کریں گے۔اُن کا کہنا تھا کہ عمران خان کے ساڑھے 3 سال میں بھی کچھ نہیں ملا، حکومت کے ساتھ باقی وقت بھی صبر سے گزار لینا چاہیے جبکہ ایم کیو ایم تو پیپلز پارٹی اور مسلم لیگ (ن) کے ساتھ بھی رہی لیکن کبھی وعدے وفا نہیں ہوئے۔متحدہ قومی موومنٹ (ایم کیو ایم) پاکستان کی رکن قومی اسمبلی کشور زہرہ نے مزید کہا کہ وزیراعظم عمران خان نیک نیت ہیں، انہیں معاونت اچھی نہیں مل سکی جبکہ ہمیں وزارت، صدارت اور گورنر شپ نہیں صرف کام چاہیے اور جو زیادہ سہولت دے گا اسے قبول کیا جائے گا۔ Adsence Ads 300X250