جے یو آئی کے سربراہ اور پاکستان پیپلزپارٹی کے صدر آصف علی زرداری کے مابین رابطہ ہوا ہے جس میں دونوں رہنماؤں کی اہم ملاقات طے پائی ہے۔
اس حوالے سے ذرائع کا کہنا ہے کہ آصف علی زرداری آج سات بجے مولانافضل الرحمان سے ملاقات کریں گے جو کہ مولانا فضل الرحمان کی رہائشگاہ پر ہوگی۔ذرائع کے مطابق ملاقات میں تحریک عدم اعتماد پر مشاورت کی جائیگی اور ساتھ ہی اپوزیشن کے لانگ مارچ پر بھی تبادلہ خیال بھی کیا جائیگا۔اس ملاقات کے دوران دونوں رہنما ایم کیو ایم کے ساتھ ہونے والی ملاقاتوں کے حوالے سے ایک دوسرے کو بریف کریں گے۔واضح رہے کہ اتحادیوں کے ساتھ اپوزیشن کے معاملات طے نہیں ہوپائیں ہیں جبکہ ق لیگ اور ایم کیو ایم مطالبات پورے نہ ہونے پر سپورٹ کے لئے تیار بھی نہیں ہیں۔مسلم لیگ ق کی جانب سے پنجاب کی وزارت اعلیٰ کا مطالبہ کیا گیا ہے جبکہ ایم کیو ایم نے سندھ میں وزارت بلدیات اور ایڈمنسٹریٹر کراچی کی سیٹ مانگ لی ہے۔ق لیگ پنجاب کی وزارت اعلیٰ سے کم پر اپوزیشن کو سپورٹ پر تیار نہیں ہے دوسری جانب ن لیگ انہیں وزارت اعلیٰ دینے پر رضامند نہیں ہے۔اس حوالے سے ق لیگ نے اپنا مؤقف پیش کرتے ہوئے کہا ہے کہ جو بھی وزارت اعلیٰ دے گا ہم اس کو سپورٹ کریں گے۔ایم کیو ایم نے پی پی پی سے سندھ میں وزارت بلدیات اور ایڈمنسٹریٹر کراچی کی سیٹ مانگ لی گئی ہے۔ Adsence Ads 300X250
