نامعلوم افراد کی اصطلاح پاکستان جیسے ملک تو بہت عام ہے، لیکن دنیا میں ایک گروپ ایسا بھی ہے جس کا نام ہی ’ نامعلوم ‘ ہے۔ہیکرز کا یہ نامعلوم گروپ دنیا بھر میں اپنی سرگرمیوں کی وجہ سے حکومتوں کے لیے درد سر بنا ہوا ہے ۔تاہم آج کل یہ ’ نامعلوم ‘ ہیکٹوسٹ گروپ (کسی فرد کی کمپیوٹر فائلز اور نیٹ ورک تک غیرقانونی طریقے سے حاصل کی گئی معلومات کو سماجی اور سیاسی مقاصد میں استعمال کرنا) ہیکنگ کے بجائے اپنی منفرد پیش کش کی وجہ سے ذرایع ابلاغ کی توجہ کا مرکز بنا ہوا ہے۔ہیکرز کے اس گروپ نے روسی صدر پیوٹن کے خلاگ ’ سائبر جنگ‘ کا اعلان کرتے ہوئے روسی حکومت سے تعلق رکھنے والی 300 سے زائد ویب سائٹس کو ڈاؤن کرنے کا دعویٰ کیا ہے۔نامعلوم کا دعویٰ ہے کہ ان حملوں میں انہوں نے 1 ارب روبیل ( 1 کروڑ ڈالر) بھی جمع کرلیے ہیں۔دوسری جانب اسی گروپ نے روسی فوجیوں کو ٹینکوں سیمت ہتھیار ڈالنے پر انعام کے طور پر بٹ کوائن دینے کا اعلان بھی کیاہے۔ہیکرز کے اس گروپ کا کہنا ہے کہ سرینڈر کرنے والی ہر فوجی گاڑی کے بدلے روسی فوجیوں کو52 ہزار ڈالر مالیت کے بٹ کوائن بطور انعام دیے جائیں گے۔کرپٹو کرنسی کے حوالے سے خبریں دینے والی ویب سائٹ بین کرپٹو نے بھی اپنی رپورٹ میں اس بات کی تصدیق کرتے ہوئے کہا ہے کہ ’ نامعلوم ‘ نے روسی فوجیوں کو ٹینک اور فوجی گاڑیوں کے بدلے بٹ کوائن دینے کی پیش کش کی ہے۔‘نامعلوم کی جانب سے جاری بیان کے مطابق وہ روسی فوجی جو اپنے ٹینک کے ساتھ سرینڈر کرنا چاہتے ہیں تو وہ سفید جھندا لہراتے ہوئے شناخت کے لیے ’ملین‘ کا مخصوص کوڈ استعمال کریں۔‘ جس کے بعد ’ نامعلوم‘ کا کوئی رکن ان سے رابطہ کرکے بٹ کوائن فراہم کردے گا۔
مگر انٹرنیٹ کی دنیا میں ان دنوں ’نامعلوم ‘ کا لفظ کچھ اور ہی معنی دیتا ہے، یہ لفظ سن کر سائبر سیکیوریٹی کے ماہرین کی دوڑیں لگ جاتی ہیں۔
’نامعلوم‘ گروپ کیا ہے ؟انٹرنیٹ پر فعال گروپ ’نامعلوم‘ دنیا بھر میں موجود ہیکرز اور ہیکٹی وسٹ پر مشتمل ایسا گروپ ہے جو کبھی بھی ، کہیں بھی ، اور کسی بھی وقت دہشت گرد تنظیموں اور حکومت کے خلاف کارروائی کرتے ہوئے اُن کے کمپیوٹر نیٹ ورک پر حملہ کرتا ہے۔
’نامعلوم‘ کے نامعلوم ہیکٹوسٹ سوشل میڈیا اکاؤنٹس، حکومتی، مذہبی اور تجارتی اور سرکاری اداروں کی ویب سائٹس پر ڈینیئل آف سروس (ڈی ڈی او ایس) حملے کرتے ہیں ۔ Adsence Ads 300X250
