ون پلس نے اپنا کم قیمت 5 جی فون نورڈ سی ای 2 متعارف کرادیا ہے، واضح رہے کہ یہ نورڈ 2 فائیو جی کا ایسا ماڈل ہے جو اس پہلے پیش کئے جانے والی ڈیوائس کے مقابلے میں کم طاقت لئے ہوئے ہے اور اس میں سی ای سے مراد کور ایڈیشن ہے۔
نورڈ سی ای 2 فون کم قیمت ہونے کے باوجود 6.43 انچ کا امولیڈ ڈسپلے اور 90ہرٹزریفریش ریٹ کے ساتھ دستیاب ہے۔تاہم یہ فون پہلے ماڈل کے نسبت میں کچھ پتلا ضرور ہے جبکہ اس میں ہیڈ فون جیک اور مائیکروایس ڈی کارڈ سلاٹ کو بھی شامل کیا گیا ہے جو اس سے قبل نورڈ 2 میں موجود نہیں تھے۔اس شاندار فون کے اندر میڈیا ٹیک کا ڈیمینسٹی 900 پراسیسردیا گیا ہے۔جہاں تک اس فون کی بیٹری کا تعلق ہے وہ 4500 ایم اے ایچ بیٹری کے ساتھ 65 واٹ چارجنگ سپورٹ فراہم کی گئی ہے، جبکہ 6 سے 8 جی بی ریم اور 128 جی بی اسٹوریج بھی دی گئی ہے۔واضح رہے کہ اسٹوریج میں مائیکرو ایس ڈی کارڈ سے مزید اضافہ کیا جاسکتا ہے جبکہ اینڈرائیڈ 11 آپریٹنگ سسٹم کا امتزاج آکسیجن اوایس 11.3 سے کیا گیا ہے۔نورڈ کے اس ماڈل کے بیک پر 3 کیمروں کا سیٹ اپ دیا گیا ہے۔ون پلس کے اس 5 جی فون نورڈ سی ای 2 فون کا مین کیمرا 64 میگا پکسل کا ہے جس کے ساتھ 8 میگا پکسل الٹراوائیڈ اور2 میگا پکسل میکرو کیمرے بھی دیئے گئے ہیں۔جبکہ اس خوبصورت فون کے فرنٹ پر 16 میگا پکسل کیمرا پنچ ہول ڈیزائین میں چھپا ہواہے۔یہ فون 22 فروری سے پہلے بھارت اور پھر مارچ میں یورپ میں دستیاب ہوگا۔6 جی بی ریم والا ماڈل 69 ہزار پاکستانی روپے سے زائد میں فروخت کے لئے پیش کیا جائے گا۔ Square Adsence 300X250
Source (*5*)
