پاکستان نے بھارتی فوج کے بے بنیاد ڈوزیئر کو مسترد کر دیا

اسلام آباد: پاکستان نے بھارتی فوج کے بے بنیاد ڈوزئیر کو یکسر مسترد کر دیا ہے۔

ہم نیوز کے مطابق ترجمان دفتر خارجہ نے کہا ہے کہ بھارتی فوج کے نام نہاد ڈوزئیر کی رپورٹس کا جائزہ لیا ہے، نام نہاد ڈوزئیر میں پاکستان کے خلاف بے بنیاد الزامات لگائے گئے ہیں۔

ترجمان دفتر خارجہ کے مطابق مقبوضہ کشمیر میں بھارتی فوج کی دہشت گردی میں پاکستان کو ملوث کرنے کی کوشش کی گئی ہے، پاکستان جھوٹے اور خود ساختہ ڈوزئیر کو یکسر مسترد کرتا ہے۔

دفتر خارجہ کے ترجمان کے مطابق نام نہاد ڈوزئیر جعلی اور غلط معلومات کے ساتھ گھڑا گیا ہے، یہ مقبوضہ کشمیر میں بھارتی دہشت گردی سے دنیا کی توجہ ہٹانا چاہتے ہیں۔

ہم نیوز کے مطابق ترجمان دفتر خارجہ نے کہا ہے کہ ایسے کئی واقعات سامنے آئے ہیں جہاں بی جے پی اور تشدد کی آگ بھڑکانے والوں کا تعلق ثابت ہوا ہے، پاکستان دنیا کے سامنے مقبوضہ کشمیر میں بھارتی دہشت گردی کے ناقابل تردید ثبوت پیش کرتا رہا ہے۔

Source

Leave a Reply

Your email address will not be published.

1 × one =

Back to top button