پی سی بی نے اپنے اسٹیک ہولڈرزاور شائقین کرکٹ کے لیے پی ایس ایل ٹی وی کے براڈکاسٹ میڈیا رائٹس برائے 2022-2023 کی نیلامی کی وضاحت پیش کر دی ہے۔
پی ایس ایل کے نشریاتی حقوق برائے 2022-2023 کے فروخت کے لیے یکم دسمبر 2021 کو دو معروف اخبارات میں ٹینڈر دیا گیا۔اس اشتہار میں ٹینڈر جمع کروانے کی آخری تاریخ 23 دسمبر درج تھی اور تکنیکی اہلیت کے حامل براڈ کاسٹرز کو دو سال (2022 اور 2023) کی مدت کے لیے پیشکش میں حصہ لینے کا کہا گیا۔ اس سلسلے میں مختلف براڈکاسٹنگ کمپنیوں نے نشریاتی حقوق کے لئے درخواستیں جمع کرائیں۔پی سی بی کی جانب سے مقررہ ریزرو قیمت کے اعلان سے کچھ دیر پہلے بولی میں شریک ایک نمائندے نے تشویش کا اظہار کیا۔نمائندے نے پی سی بی سےاستفسار کیا کہ سرکاری ٹیلی ویژن نے بحیثیت ریاستی براڈکاسٹرکیسے ایک نجی میڈیا کے ساتھ خود سے کنسوریشم بنالیا ہے۔ اس اعتراض پر پی سی بی نے یہ استفسار براہ راست پی ٹی وی سی سے کرنے کا مشورہ دیا۔ بولی لگانے والوں سے پوچھا گیا کہ آیا پی سی بی کی جانب سے ریزرو پرائس کا اعلان کرنے اور پھر مہر بند مالیاتی پیشکش کو کھولنے سے پہلے مزید کوئی خدشات یا اعتراضات ہیں؟جس پر مزید تشویش کا اظہار نہیں کیا گیا اور دونوں بولی دہندگان نے اس عمل کو جاری رکھنے پر اتفاق کیا۔ جس کے بعد، پی سی بی نے دونوں بولی دہندگان کی موجودگی میں دو سال کے لیے 3.584 بلین کی ریزرو قیمت کا اعلان کیا۔ اس سے پہلے کہ مالیاتی پیشکش کھولی جاتی کنسورشیم کے نمائندے نے کہا کہ دستاویز کی صورت میں جمع کروائی گئی ان کی مالیاتی پیشکش ایک سال کے لیے تھی۔کنسورشیم نے درخواست کی کہ اس قیمت کو دوگنا سمجھا جائے۔پی سی بی نے کنسورشیم کے نمائندے کو مطلع کیا کہ مہر بند مالیاتی پیشکش کی دستاویز میں ترمیم کے لیے اس زبانی درخواست پرعمل نہیں کیا جا سکتا۔پی سی بی زبانی درخواست مسترد کر دی اور اس فیصلے کو بولی دہندگان نے قبول کر لیا۔ بولی دہندگان کی مالی پیشکش کو کھولا گیا اور درج ذیل انکشافات سامنے آئے۔ایک کمپنی کی جانب سے پی ایس ایل کے حقوق کے لئے 3 ارب 36 کروڑ کی آفر کی گئی۔کنسورسیشم کی جانب سے 2 ارب 10 کروڑ سے زائد کی آفر کی گئی۔ کوئی بھی بولی پی سی بی کی جانب سے مقررہ قیمت کی نہ تھی لہٰذا پہلے سے طے شدہ عمل کے مطابق دونوں بولی دہندگان کو ایک گھنٹے کے مقررہ وقت میں نظر ثانی شدہ مہر بند مالی پیشکش جمع کرانے کا موقع دیا گیا۔نظرثانی شدہ مالیاتی پیشکش دونوں بولی دہندگان کی موجودگی میں کھولی گئیں اور دونوں نے ریزرو قیمت کو درج ذیل حد سے تجاوز کیا۔ایک کمپنی کی جانب سے 3 ارب 74 کروڑ کی بولی گی گئی جبکہ کنسورسیشم کی جانب سے 4 ارب 35 کروڑ سے زائد کی آفر دی گئی۔ اس کے بعد پی سی بی کی بڈ کمیٹی نے کنسوریشم کو حقوق دینے کی سفارش کی۔ پی ایس ایل ٹی وی کے براڈکاسٹ رائٹس برائے 2022-2023 کے فروخت کے لیےبڈ ایولویشن رپورٹ پی سی بی کی آفیشل ویب سائٹ پر دستیاب ہے۔ بڈ دستاویز میں مقررہ طریقہ کار پر ہر موقع پر مکمل عمل کیا گیا۔ بولی کے بعد کے خدشات اور اعتراضات اٹھانے کے لیے ایک مناسب پلیٹ فارم، پی سی بی کی کمیٹی برائے شکایات کا ازالہ، کی صورت میں موجود ہے۔پی سی بی کی اس کمیٹی کو آج تک بولی لگانے والے کسی بھی ادارے سے کوئی شکایت موصول نہیں ہوئی۔ Square Adsence 300X250
