وزیراعلیٰ پنجاب کا کہنا ہےکہ پی ڈی ایم کی منفی سیاست ختم ہوچکی۔
وزیراعلیٰ پنجاب عثمان بزدار سے اراکین قومی اسمبلی صداقت علی عباسی، سید مبین احمد اور سمیع گیلانی نے ملاقات کی، جس میں انہوں نے وزیراعلیٰ کو اپنے حلقوں کے مسائل سے آگاہ کیا۔وزیراعلیٰ پنجاب نے کہا کہ سابق دور کی طرح ون مین شو پر یقین نہیں رکھتا، پی ڈی ایم کی منفی سیاست ختم ہوچکی۔انہوں نے کہاکہ سب کو ساتھ لے کر چلتا ہوں اور مشاورت کے ساتھ فیصلے کئے جاتے ہیں، سمت درست اور نیت نیک ہے۔عثمان بزدار نے کہاکہ اپوزیشن کی جانب سے اداروں کو مخصوص ایجنڈے کے تحت نشانہ بنانا قابل مذمت ہے، قومی ادارے ہمارا فخر ہیں، تحریک انصاف کی حکومت اداروں کے ساتھ کھڑی ہے اور کھڑی رہے گی۔ان کا کہنا تھا کہ عوام صرف ترقی اور خوشحالی چاہتے ہیں، عوام کو افراتفری کی سیاست سے کوئی سروکار نہیں، پنجاب ہر لحاظ سے دیگر صوبوں کے مقابلے میں آگے ہے۔ Square Adsence 300X250
