چیئرمین سینیٹ نے جان جمالی کو مکمل آرام کا مشورہ دیا ہے۔
چیئرمین سینیٹ صادق سنجرانی کوئٹہ میں نومنتخب اسپیکر بلوچستان اسمبلی میرجان محمد جمالی کی رہائش گاہ پہنچے اور ان کی خیریت دریافت کی۔ذرائع کے مطابق جان جمالی کی طبیعت پچھلے کئی دنوں سے ناساز ہے۔چیئرمین سینیٹ نے نومنتخب اسپیکر بلوچستان اسمبلی کی جلد صحت یابی کیلئے دعا کی اور انہیں مکمل آرام کا مشورہ بھی دیا۔واضح رہےکہ گزشتہ روز چیئرمین سینیٹ صادق سنجرانی نے بھارت کی دعوت بھی ٹھکرائی ہے۔ذرائع کے مطابق اسپیکر بھارتی لوک سبھا نے چئیرمین سینیٹ صادق سنجرانی کو دورہ بھارت کی دعوت دی تھی۔اسپیکر لوک سبھا نے صادق سنجرانی کوارسال کیے گئے خط میں کہا تھا کہ صد سالہ تقریب میں آپ کی شرکت ہمارے لئے اعزاز ہوگا۔صادق سنجرانی کو پبلک اکاؤنٹس کمیٹی کی صد سالہ تقریب میں شرکت کی دعوت دی گئی، جسے چیئرمین سینیٹ نے مسترد کر دیا۔صادق سنجرانی کا کہنا ہےکہ 5 اگست کے غیر قانونی اقدام کو واپس لینے تک بھارت کی کسی تقریب میں شرکت نہیں کروں گا۔انہوں نے مزید کہاکہ مودی حکومت نے کشمیریوں کو خصوصی حیثیت دینے والی آئینی شقوں 370 اور 35 اے ختم کر کے ظلم ڈھائے۔واضح رہےکہ لوک سبھا، پبلک اکاؤنٹس کمیٹی کی صدسالہ تقریب کا انعقاد 4 دسمبر کو ہوگا، تقریب سے بھارتی صدر اور وزیراعظم خطاب کرینگے۔ Square Adsence 300X250
