ڈپٹی اسپیکر نے آج بھی اسپیکر کی کرسی کو سیاسی مقاصد کے لئے استعمال کیا، شازیہ مری

پاکستان پیپلز پارٹی پارلیمنٹرینز کی مرکزی سیکریٹری اطلاعات رکن قومی اسمبلی شازیہ مری نے کہا ہے کہ ڈپٹی اسپیکر نے آج بھی اسپیکر کی کرسی کو سیاسی مقاصد کے لئے استعمال کیا۔

تفصیلات کے مطابق شازیہ مری نے اپنے جاری کردہ ایک بیان میں کہا کہ ڈپٹی اسپیکر قومی اسمبلی قاسم سوری نے آج بھی اسپیکر کی کرسی کو سیاسی مقاصد کے لئے استعمال کیا، ڈپٹی اسپیکر کا چیئرمین پی پی پی کو خطاب سے روکنا اس بات کا ثبوت ہے کہ عمران خان اور ان کے حواریوں کے اعصاب پر بلاول بھٹو سوار ہیں۔انہوں نے کہا کہ قاسم سوری نے چیئرمین ایاز صادق کی جانب سے پی پی پی سربراہ بلاول بھٹو زرداری کو خطاب کی دعوت کے بعد اجلاس ملتوی کر کے بدترین پارلیمانی روایت قائم کی۔ان کا کہنا تھا کہ پی ٹی آئی اراکین کے استعفوں کے اعلان کے بعد قاسم سوری کا دوبارہ اچانک اجلاس کی سربراہی کرنا ایک چھوٹی حرکت ہے، قاسم سوری قومی اسمبلی کے ڈپٹی اسپیکر کی حیثیت میں ایوان کی سربراہی کا اخلاقی جواز کھو چکے ہیں۔شازیہ مری نے کہا کہ جاتے جاتے بھی ایسی اوچھی حرکتیں کرکے عمران خان کے حواری ثابت کررہے ہیں کہ وہ عوام کی نمائندگی کے اہل نہیں۔پاکستان پیپلز پارٹی پارلیمنٹرینز کی مرکزی سیکریٹری اطلاعات رکن قومی اسمبلی شازیہ مری کا مزید کہنا تھا کہ آج ثابت ہوگیا کہ چیئرمین بلاول بھٹو کی تجویز کردہ تحریک عدم اعتماد ہی عمران خان سے نجات کا واحد ذریعہ تھا۔ Adsence Ads 300X250

Source

Leave a Reply

Your email address will not be published.

11 + eleven =

Back to top button