کامن ویلتھ گیمز: ارشد ندیم کو کس کی کمی شدت سے محسوس ہوئی؟ بتا کر سب کو حیران کر دیا

برمنگھم (نیوزڈیسک)کامن ویلتھ گیمز کے جویلین تھرو مقابلے میں گولڈ میڈل جیتنے والےقومی ایتھلیٹ ارشد ندیم نے جیت کے موقع پر  اپنے بھارتی دوست نیرج چوپڑا کو  یاد کیا۔برمنگھم میں جیو نیوز سے گفتگو کرتے ہوئے ارشد ندیم نے کہا ‘نیرج چوپڑا بھائی اس بار ایونٹ میں شریک نہیں ہو سکے کیونکہ وہ انجری کا شکار ہیں، میں ان کے لیے اگلے مقابلے میں نیک خواہشات کا اظہار کرتا ہوں’۔ارشد ندیم نے کہا ‘اللہ انہیں صحت دے، وہ ایونٹ میں ہوتے تو اور بھی زیادہ مزہ آتا، ان کی کمی محسوس ہوئی’۔پاکستانی ایتھلیٹ کا کہنا تھا کہ ‘انجری کھیل کا حصہ ہے، امید ہے کہ نیرج جلد صحتیاب ہو جائیں گے’۔واضح رہے کہ بھارتی ایتھلیٹ اور اولمپکس 2022 میں طلائی تمغہ اپنے نام کرنے والے نیرج چوپڑا انجری کے سبب کامن ویلتھ گیمز میں بھارت کی نمائندگی نہیں کر سکے۔کامن ویلتھ گیمز میں پاکستان کے ارشد ندیم نے جویلین تھرو میں گولڈ میڈل جیتا، انہوں نے پانچویں باری میں 90.18 میٹر کی ریکارڈ تھرو کی، وہ 90 میٹر سے لمبی تھرو کرنے والے پہلے جنوبی ایشیائی ایتھلیٹ بن گئے ہیں۔ پاکستان نے 1966 کے بعد کامن ویلتھ گیمز ایتھلیٹکس میں میڈل جیتا جبکہ یہ 1962 کے بعد کامن ویتلھ گیمز ایتھلیٹکس میں پاکستان کا پہلا گولڈ میڈل ہے۔

Source

Leave a Reply

Your email address will not be published.

two × 2 =

Back to top button