کراچی: صدر میں دھماکہ، ایک شخص جاں بحق، 8 افراد زخمی

کراچی: شہر قائد کے مصروف ترین کاروباری علاقے صدر میں زور دار دھماکہ ہوا ہے جس کے نتیجے میں ایک جاں بحق اور 8 افراد زخمی ہو گئے ہیں۔ زخمیوں میں سے 6 کی حالت تشویشناک بتائی جا رہی ہے جب کہ جائے وقوع پر متعدد گاڑیوں کو بھی نقصان پہنچا ہے۔

ہم نیوز کے مطابق دھماکہ صدر میں ایک کچرہ کنڈی میں ہوا ہے جس کے نتیجے میں ایک شخص جاں بحق اور 8 افراد زخمی ہو گئے ہیں جن میں سے 6 کی حالت تشویشناک بتائی جار ہی ہے۔

علاقہ پولیس کے مطابق دھماکہ مرشد بازار کے قریب ایک بیکری اور ہوٹل کے باہر ہوا جہاں رات کے اس پہر کافی رش ہوتا ہے۔ دھماکے کے باعث قریبی ہوٹلوں اور رہائشی عمارات کے شیشے بھی ٹوٹ گئے ہیں۔

ایدھی فاؤنڈیشن کے ذرائع کے مطابق کئی زخمیوں کو جائے وقوعہ سے ان کی گاڑیوں اور عملے نے اٹھایا ہے، جنہیں علاج معالجے کے لیے جناح اسپتال منتقل کیا گیا ہے۔

اطلاع ملتے ہی پولیس اور رینجرز کی بھاری نفری موقع پر پہنچ گئی اور علاقے کا گھیراؤ کر لیا گیا ہے۔ پولیس کے مطابق بم ڈسپوزل اسکواڈ کو بھی موقع پر طلب کرلیا گیا ہے۔

وزیر اطلاعات سندھ شرجیل انعام میمن کا کہنا ہے کہ مجھ تک دھماکے کی خبر پہنچی ہے، اس حوالے سے وزیر اعلیٰ سے بات ہوئی ہے، وزیر اعلیٰ نے تمام اسپتال میں ایمرجنسی نافذ کرنے کی ہدایت کردی ہے۔

منی لانڈرنگ کیس:شہباز،حمزہ پر فرد جرم 14 مئی کو،ایف آئی کا پیروی سے انکار

شرجیل میمن کا کہنا ہے کہ پولیس اور بم ڈسپوزل اسکواڈ کو جائے وقوعہ پر بھیجا، وزیر اعلیٰ نے ہدایت کی ہے کہ اس دھماکے کے حقائق سامنے لائے جائیں۔

 

Source

Leave a Reply

Your email address will not be published.

20 + 18 =

Back to top button