کپتان کا امپورٹڈ حکومت کیخلاف جارحانہ حکمت عملی کو تیزکرنیکا فیصلہ

اسلام آباد(نیوز ڈیسک)عمران خان کی زیرصدارت پی ٹی آئی کی سیاسی کمیٹی کے اجلاس میںامپورٹڈ حکومت کیخلاف جارحانہ حکمت عملی کو تیزکرنیکا فیصلہ کیا گیا ہے۔نجی ٹی وی اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان کی زیر صدارت پی ٹی آئی کی سیاسی کمیٹی کا اجلاس ختم ہوگیا ہے اور کپتان نے امپورٹڈ حکومت کیخلاف جارحانہ حکمت عملی کو تیزکرنیکا فیصلہ کیا ہے اور اپنے آئندہ کے لائحہ عمل سے وہ خود عوام سے خطاب کرکے انہیں آگاہ کریں گے۔پی ٹی آئی کی سیاسی کمیٹی کے اجلاس کے حوالے سے ذرائع نے اے آر وائی نیوز کو بتایا کہ عمران خان کا اب اگلا ہدف وفاقی حکومت ہوگی۔ اس حوالے سے کپتان نے پارٹی رہنماؤں کو اہم ہدایات جاری کردی ہیں جب کہ اجلاس میں پارٹی رہنماؤں سے مختلف امور پر تجاویز بھی لی گئی ہیں۔ذرائع کے مطابق عمران خان نے پارٹی رہنماؤں کو عام انتخابات کی تیاریوں کی بھی ہدایت کی ہے اور کہا ہے کہ پنجاب کی عوام کے مینڈیٹ کو لے کر وفاق کی طرف بڑھیں گے۔اجلاس سے خطاب کرتے ہوئے عمران خان نے کہا کہ چوروں کے ٹولے نے ملک کو تباہ کر دیا۔ عوام جاگ چکی ہے، قوم کو پتہ چل چکا ہے کہ کون جھوٹا ہے اور کون سچا۔ وہ اب کسی کے بہکاوے میں نہیں آئےگی۔ سپریم کورٹ نے آئین وقانون کے مطابق سچ کا ساتھ دیا۔

Source

Leave a Reply

Your email address will not be published.

9 − 7 =

Back to top button