کیا آپ بھی رات میں تارے گنتے ہیں ، نیند آپ سے روٹھی رہتی ہے تو روٹھی نیند کو منانے کے لئے ڈاکٹر عیسٰی کا یہ نسخہ آپ کے لئے ہی ہے

بے خوابی ایک ایسی کیفیت ہے جس میں ایک آدمی یا عورت کو یا تو نیند بالکل ہی نہ آئے یا پھر بہت کم آئے۔ یہ اپنے آپ میں ایک مرض جیسی کیفیت ہو سکتی ہے یا پھر کسی مرض یا بیماری کی وجہ سے یہ کیفیت ہو سکتی ہے۔ اکثر بوڑھے لوگ کم سوتے ہیں۔ اس کے علاوہ انتہائی تجسس یا ٹینشن کی وجہ سے بھی کبھی لوگ سو نہیں پاتے۔ مثلًا ایک اہم امتحان کی تیاری کی بے چینی، آنے والے دن کے کوئی اہم واقعے کے بارے میں بے چینی کی کیفیت، وغیرہ۔ کوئی انتہائی فکر کی بات کی وجہ سے بھی لوگ سو نہیں پاتے، مثلًا لوگ بچوں کے تعلیمی اخراجات، شادی اور اعلٰی تعلیم کے اخراجات کی پریشانی کی وجہ سے بھی کم سوتے ہیں۔ کسی امکانی خوشگوار واقعے کی سوچ کے غالب ہونے سے بھی نیند نہیں آتی، جیسے کہ کسی انعام کو حاصل کرنے کا تصور، بیرون ملک دورے کی سوچ، وغیرہ ۔ اس وقت دنیا میں جتنی زیادہ بے خوابی کا مرض بڑھ چکا ہے وہ کسی سے ڈھکا چھپا نہیں ہے۔ جو لوگ اس مرض کا شکار ہیں ان کی عمر25 سال کم ہو جاتی ہے۔ رات کی نیند نہ آنا یا رات کو نہ سونا بیماریوں کو دعوت دینا ہے۔ وقت سے پہلے آپ بوڑھے ہو جاتے ہیں ، مزاج میں چڑچڑا پن اور بد مزاجی آجاتی ہے۔ اسی تکلیف یا بیماری کے علاج کے لئے ہم ڈاکٹرعیسٰی کا نسخہ لائے ہیں جس کے باقاعدہ استعمال سے آپ کچھ ہی دن میں بغیر دوا کے اپنی قدرتی نیند سونے لگیں گے۔ اس کا حل بہت سادہ اور آسان ہے لیکن اس کو کچھ دن باقاعدہ استعمال کرنا ضروری ہے۔

گلِ بنفشہ 25 گرام

گلِ گاؤزبان 25 گرام

کدو کے بیج 50 گرام

خشخاش 50 گرام

ان چاروں چیزوں کو ملا کر پاؤڈر بنا لیں ،رات کو سونے سے پہلے ایک ٹی اسپون پانی کے ساتھ لے لیں ۔ اور اس کے ساتھ ہی سونے کا ماحول بنا کر لیٹ جائیں اپنے آس پاس سے گیجٹس ہٹا دیں اور سونے کی تیاری کریں۔ کیونکہ دوا کھانے کے بعد اپنے کاموں میں اگر آپ لگے رہیں تو آپ کو اس طرح نیند کبھی نہیں آئے گی بے خوابی کے مریضوں کو چاہئے کہ اپنی روٹھی نیند کو منانے کے لئے کچھ تیاری کریں اور نیند کو بھی کچھ پروٹوکول دیں۔ یہ دوا کھانے کے کچھ ہی دن بعد انشاء اللہ آپ کو خود سے ہی دوا کے بغیر ہی نیند آنے لگے گی اور آپ کا نیند کا سائیکل صحیح ہو جائے گا ۔ لیکن اس کے لئے ضروری ہے کہ آپ اپنی لائف اسٹائل میں بھی تبدیلی لائیں ۔ اور اپنے کھانے پینے کے نظام کو درست کریں ۔ رات کا کھانا جلدی کھا لیں رات میں کیفین کی چیزوں مثلاً چائے کافی وغیرہ سے گریز کریں اور ہلکی پھلکی چہل قدمی کر لیں تو بہتر ہے۔

Source

Leave a Reply

Your email address will not be published.

8 + 15 =

Back to top button