کینیڈا کے 70 سے زائد سابق اور موجودہ ایتھیلیٹس نے اپنے کوچز کے ناروا سلوک کے خلاف علم بغاوت بلند کر دیا ہے۔برطانوی خبر رساں ادارے کے مطابق ایتھیلیٹس نے کوچز کے خلاف حکومت کو ایک خط لکھا ہے جس میں زہریلے کلچر اور بدسلوکی پر آزادانہ تحقیقات کا اعلان کر دیا ہے۔
کینیڈا کے کھیلوں کے ڈائریکٹر جنرل وکی واکر نے تصدیق کی ہے کہ ہمارے پاس کوچز کے رویئے کے خلاف خط آیا ہے ، وکی واکر نے کہا کہ کوچز کےخلاف دیگر متعدد شکایات بھی موصول ہوئی ہیں۔وکی واکر نے مزید کہا کہ ایتھیلیٹس کے گروپ کو انتقام کے خوف نے بولنے نہیں دیا گیا۔برطانوی خبر رساں ادارے کے مطابق ایتھیلیٹس کے گروپ نے کہا کہ وہ اب خاموش نہیں بیٹھیں گے، اور آگے آئیں گے۔گروپ کا کہنا تھا کہ کوچز کے نامناسب رویئے ، بد سلوکی اور منافرت کے باوجود ہم تبدیلی کی امید کے ساتھ ان کا مقابلہ کریں گے۔ایتھیلیٹس کے گروپ نے مزید کہا کہ ہم نے کینیڈین اسپورٹس حکام سے مطالبہ کیا ہے کہ وہ کوچز کے خلاف ایکشن لیں، تاکہ نئے آنے والے ایتھیلیٹس کو یہ سب کچھ نہ جھیلنا پڑے۔گروپ نے مزید کہا کہ سچ کو سامنے لانے کی قیمت چکانا ہو گی لیکن ہم کوچز کی بدسلوکی اور جنسی ہراسگی پر اب خاموش نہیں بیٹھ سکتے۔ Adsence Ads 300X250
