ہم ایران کویہ کام ہرگزنہیں کرنے دیں گے ،امریکی صدر نے بڑااعلان کردیا

جدہ(نیوز ڈیسک) امریکی صدر جو بائیڈن کا کہنا ہے کہ ایران کو جوہری توانائی حاصل کرنے کی اجازت نہیں دیں گے۔غیر ملکی میڈیاکے مطابق سعودی عرب کے دورے کے دوران امریکی صدر جوبائیڈن نے جدہ میں عراقی وزیراعظم مصطفی الکاظمی سے ملاقات کی، جس میں امریکی صدر نے ایران، سعودی عرب مذاکرات کی میزبانی کی عراقی پیشکش کا خیر مقدم کیا ہےملاقات کے بعد عراقی وزیراعظم مصطفی الکاظمی کے ہمراہ پریس کانفرنس کرتے ہوئے امریکی صدر جو بائیڈن نے کہا کہ عراق میں جمہوریت کی حمایت کرتے ہیں، چاہتا ہوں آپ اور میڈیا یہ بات جان لیں کہ ہم مددگار بننا چاہتے ہیں۔دوسری جانب امریکی صدر جوبائیڈن کی مصر کے صدر عبدالفتاح السیسی سے بھی ملاقات ہوئی، جس میں جوبائیڈن نے گزشتہ سال اسرائیل، حماس جنگ بندی میں مصر کے کردار پر شکریہ ادا کیا۔امریکی صدر نے کہا کہ مصر کے ساتھ تمام ایشو پر کام کرنے کیلئے تیار ہیں، ایران کو جوہری توانائی حاصل کرنے کی اجازت نہیں دیں گے، ایران کی جوہری سرگرمیاں خطے کی امن وسلامتی کے لیے خطرہ ہے۔

Source

Leave a Reply

Your email address will not be published.

7 − two =

Back to top button