امریکی خلائی ادارے ناسا کی جانب اعلان کیا گیا ہے کہ ہبل اسپیس ٹیلی اسکوپ نے زمین سے 508 نوری سال کے فاصلے پر ایک ایسا سیارہ دریافت کیا ہے جس کا وزن مشتری سے نو گُنا زیادہ ہے اور وہ ابھی تشکیل کے مراحل میں ہے۔AB Aurigae b نامی یہ سیارہ جو تشکیلی مراحل میں، ایک گیس کا سیارہ ہے جو تشکیل کے ابتدائی مراحل میں ہے۔یہ سیارہ AB Aurigae نامی ستارے کے گرد گھوم رہا ہے۔AB Aurigae b اپنے مرکزی سیارے سے 8.6 ارب میل کے غیر معمولی فاصلے پر گردش کرتا ہے۔ جو سورج اور پلوٹو کے درمیان فاصلے سے دُگنا فاصلہ یے۔
مشتری اور زحل کی طرح یہ سیارہ گیس جائنٹ ہے اور ہائیڈروجن اور ہیلیئم سے بنا ہوا ہے اور اس کے اطراف میں گیسز چھوٹی ٹھوس صورتوں میں گھوم رہی ہیں۔یہ ایک ایسے عمل سے بن رہا ہے جس کو ناسا کے ماہرین ایک غیر روایتی اور متشدد عمل کہتے ہیں، جو سیاروی تشکیل کے عمومی نظریے سے مختلف ہے۔محققین نے سیارے کی نشان دہی کرنے اور اس کا مطالعہ کرنے کے لیے 2007 کے ہبل ڈیٹا کا استعمال کیا۔دریافت کے متعلق تفصیلات ایک نئے مطالعے میں بتائیں گئیں جس کو ناسا کے ماہرین نے تصنیف کیا اور جرنل نیچر آسٹرونومی میں پیر کے روز شائع کرایا۔تحقیق کے سربراہ مصنف کا کہنا تھا کہ محققین کا یہ خیال ہے کہ یہ سیارے ابھی اپنے ابتدائی پیدائشی مراحل میں ہے۔ Adsence Ads 300X250
